Unha familia de novos ricos instálase nun dos barrios máis luxosos do París de comezos
do século xx. Para conseguir o ansiado recoñecemento social, os Kampf deciden dar
unha festa á que todo o mundo está convidado.
Só queda fóra a súa filla adolescente, Antoinette. A rapaza, ferida no seu orgullo, buscará vinganza.

Irène Némirovsky (Kiev, 1903 – Auschwitz, 1942) naceu no seo dunha familia que posuía unha inmensa fortuna e que se estableceu en París en 1919 para fuxir da Rusia da Revolución. Irène tivo unha infancia infeliz e solitaria, aínda que recibiu unha educación exquisita que lle permitiu obter a licenciatura en Letras na Sorbona en 1926. Pouco despois enviou á editorial Grasset a súa primeira novela, David Golder. Así comezou unha brillante carreira literaria, bruscamente interrompida: foi deportada e asasinada en Auschwitz.

Traducido por Moisés Barcia

____

Editorial: Rinoceronte 11-2025
Idioma: Galego